Como facer unha mascarilla reversible de tea

Hoxe traemos un post realmente útil nos tempos que corren. A fase 1 comezou e nela é obrigatoria a máscara en contornas pechadas. A maiores, todo sabemos que, o ideal, é levala cando saímos, non só para protexernos, se non, para protexer. Así que, hoxe cóntovos como facer a vosa máscara de tea reversible.

Que precisaremos?

• 2 anacos de tea de 21×21 cm:eu mesturei dúas teas de algodón. Tamén podedes utilizar unha loneta cun popelín finiño para que non quede moi grosa.
• 2 metros de cinta ou lazo
• útiles habituais de costura: agulla, fío, máquina (se tendes), regra, papel…

Como se fai?

1.- Cortamos dous anacos de tela de 21×21 cm cada un

2.- Enfrontamos dereito con dereito e cosemos a prensatelas aprox (ben sexa man ou a máquina), seguindo este patrón. Desta forma logo poderemos engadir os lazos e darlle a volta.  Deixei uns 2,5 cm en cada esquina, fóra dunha, onde deixei uns 4-5 cm para poder dar a volta á tea.

3.- Dámoslle a volta e colocamos os lazos. Eu meto uns 3 cm de lazo cara a dentro, en cada esquina, para asegurarme de que quede ben cosido. Aseguro todo con alfinetes. No meu caso aseguro os 4 laterais porque, aínda que leva mais tempo, logo facilítame a súa costura.

4.- Cosemos os 4 lados a prensatelas ou algo menos; eu adoito pasar a costura dúas veces polos anaquiños onde vai o lazo para reforzalo.

5.- Facemos os pliegues (3). Hai unha chea de esquemas por internet de como facelos pero, a min, resúltame máis cómodo facelo a ollo para que queden centrados, véxase a parte da tea que eu quero etc.

6.- Cosemos a prensatelas (ou algo menos, segundo fixésedes a costura anterior; ao meu gústame que queden o mais próximas, a unha á outra, posibles) os laterais que teñen os pliegues.

Desta forma, queda unha mascarilla reversible, como veis.

E este é o resultado.