Como facer un panel sensorial para o teu bebé

Parece de película. Unha pandemia mundial afecta á maioría de países e os cidadáns reclúense nas súas casas para protexer o sistema sanitario e aos seus usuarios. Se me contan isto hai uns meses penso en que é o guión dunha peli, pero non, está aquí e vai quedar unha tempada. Así que, como de todo pódese sacar algo positivo, pois imos tentalo: volvemos ao blog cunha idea pensada nos mais peques, de 1 a 3 anos.

Nestes días de #euquedonacasa xurdiron multitude de iniciativas para compartir tempo de calidade con outras persoas pero vin moi poucas ideas para menores de 3 anos. Eu xa levaba tempo coa idea en mente e que mellor momento que este para poñela en práctica?

Para levalo a cabo tan so precisas:

• un tablero: eu merquei una xa cortado cunha medida de 60 x 40 cm
• pintura de cor que queras: collín un chalk paint color vintage da marca plascolor
• pincel de grosor medio
• tapas de apertura e peche dos paquetes de toalliñas húmidas infantís (que teño unha morea delas que fun almacenando dende fai meses)
• recheo(guata) para cada casilla; eu teño 15 casillas e utilicei materiais con texturas diferentes (de esquerda a dereita, de arriba a abaixo): tea sintética dourada, teas de algodón cuadros vicky blanco/marrón, reixa blanca, goma eva purpurina plateada, velcro, recheo, tul con brilo, cartulina craft rugosa, goma eva con texturas azulón, papel de agasallo, tea color mostaza tecido natural, veludo azul, lana, quinoa e pipas de cabaza.

• algo para decorar as tapas (opcional): eu empreguei unhas formas de goma eva de cores e tamaño diversos para darlle un punto infantil e porque pareceume que tamén dan xogo para interactuar, cando a nosa peque xa comprenda un pouco máis.
• pistola de silicona quente
• IMPORTANTE: no caso da quinoa e as pipas de cabaza fixeinas moi ben (por precaución de que se solten e se as trague) con cola

Como crear o tablero?

Pois o primeiro que fixen foi pintalo. Tras isto coloquei as tapadeiras, medindo as distancias para que fosen os mais equidistantes posibles. Utilicei a pistolas de silicona para fixar as tapadeiras.

Despois chegou a parte mais creativa: seleccionar que pegar en cada “casilla”. Utilicei unha tapadeira que non pegara no taboleiro para marcar o tamaño antes de recortar e preparei as pezas.

Peguei as 15 casas coa pistola de silicona e prestei especial atención ás casillas que poideran ter algún risco, como son a de quinoa e a de pipas de cabaza.

Por último decoramos as tapadeiras con anaquiños troquelados de goma eva.

E a desfrutar!